Thursday, July 23, 2009

आणि मी चक्क लकी ठरलो :-)

काही घटना -
- आज सकाळी मी कोंढव्याहून येताना एका बाईकस्वाराला आपले शूज सांभाळण्यासाठी त्याच्यावर प्लास्टिक पिशवी घालून गाडी चालवताना पाहिलं आयडिया आवडली
- तर आता प्रश्न असा आहे की माझ ऑफिस बाणेर रोडला असताना मी कोंढव्याला कशाला गेलो होतो
- तर मी सोफिया नामक तरुणीला भेटायला गेलो होतो. तिचा फोन आला काल, की ये म्हणून
- तिच्याबरोबर कॉफी घेतली, आणि थोड फिरलो पण! (सकाळ सकाळी??????)
- नंतर तिने मला एक छानसं(!) गिफ्ट पण दिल... आयला आज valentine day पण नाही



- थांबा, तुम्ही उगाच काही कल्पना चित्र रंगवण्या अगोदर सांगतो - २-३ आठवड्या पूर्वी मी रेडीओ मिर्ची ला कुठल्या तरी कार्यक्रमात स-म-स केला होता(बस मध्ये येण्याच्या अनेक फायद्यांपैकी एक!).
- दुसऱ्या दिवशी फोन आला होता की तुम्ही विनर आहे आणि उद्या अनाउन्स केल जाईल वगैरे. पण तस काहीच झाल नाही!
- मग मी 'गंडवलं वाटत'(तुम्ही 'नेहमी प्रमाणे' अस म्हणालातं का???) असं म्हणून विसरून गेलो.
- तर काल संध्याकाळी सोफिया नामक कन्येचा फोन आला आणि ती म्हणाली की आमच्या ऑफिस ला येऊन प्राईझ घेऊन जा
- एखाद मूवी तिकीट किंवा तत्सम फुटकळ वस्तू असेल अशा अपेक्षेने मी आज गेलो.
- मग तिने मला 'would u like to have some coffee(or water - मला आलेला घाम बघून बहुधा!) अस विचारलं!
- मी पडत्या फळाची आज्ञा मानून (जशी काय मशीन ची कॉफी कधी पिलीच नाही अशा थाटात) ती कॉफी घेतली
- दरम्यान आर जे आदिती (नुसतचं) 'हाय' करून गेली; आणि मला सोफिया ने स्टूडीओ ची छोटेखानी सैर घडवून आणली.
- आणि सरतेशेवटी, माझा ओळखीचा पुरावा बघून तिने माझ गिफ्ट मला सुपूर्द केलं(एका छोटेखानी समारंभात - २च व्यक्तींच्या )
Its a Beetel cordless phone
The show was 'Tech Talk' or something like that sponsored by Beetel.

बरेच दिवस घरी एखादा कॉर्डलेस घ्यावा असा विचार होताचं

आणि अशा रीतीने पहिल्यांदा मी कुठल्यातरी स्पर्धेमध्ये(!) चक्क लकी ठरलो होतो

-सचिन